Mindetti zeınetaqy jarnalary boıynsha salymshylardyń shottarynyń sany aǵymdaǵy jyldyń 1-qazanynda 1003 myńdy qurady. Oblys salymshalarynyń zeınetaqy jınaqtary jyldyń basynan 13,4 paıyzǵa ósip, 501,6 mlrd. teńgege ulǵaıdy. Búgin bul týraly OQO óńirlik kommýnıkasııalar qyzmetinde ótken brıfıngte «QR ulttyq banki» RMM OQ fılıalynyń dırektory Ánýar Botanbekov málim etti. Bul týraly OQO ákiminiń baspasóz qyzmeti habarlady.
Ánýar Amangeldiulynyń aıtýynsha, Ońtústik Qazaqstan oblysynyń syrtqy saýda aınalymy 2017 jyldyń qańtar-tamyz aılarynda 1,9 mlrd. AQSh dollaryn quraǵan. Sonyń ishinde eksport - 720,6 mln. AQSh dollary, al ımport - 1 134,4 mln. AQSh dollaryna jetken.
«2017 jyldyń 9 aıynda Ulttyq Banktiń altyn valıýtalyq rezevteri 10,2 paıyzǵa deıin ósti. Al ulttyq qordyń shetel valıýtasyndaǵy aktıvteri 56,8 mlrd. AQSh dollaryn qurady. Sondaı-aq, Qazaqstannyń syrtqy qaryzy birinshi jartyjyldyqta 4,2 mlrd. dollarǵa ósip, 167,9 mlrd. dollarǵa jetip otyr. Sonymen qatar, bankterdiń kredıt berý belsendiligin arttyrý jalǵasyp keledi. Máselen, jyldyń basynan bankterdiń oblystaǵy kredıtteriniń kólemi 4,8 paıyzǵa ulǵaıdy», - dedi Ánýar Botanbekov.
Budan bólek, Ońtústik Qazaqstan oblysynda jınaqtalǵan ınflıasııa deńgeıi 9 aıda 4,8 paıyzdy quraǵan. Bul ótken jylǵy kórsetkishten 6,4 paıyzǵa tómen bolyp otyr.